Grånosene

Turbeskrivelse:

Dette er ein relativt slakk og grei tur, men med god utsikt sidan vi kjører 800 meter opp frå fjorden til Røssesete. Turen opp er på smal og litt dårlig veg, vegen som vart bygd for Harastølen sanatorium, bygd for behandling av tuberkolose, ein liten stopp her vert det nok, då det å sjå på dei gamle husa og anlegga kan vere spennande.

Etter å ha parkert bilane på Røssesete går vi på merka sti sørvest mot Storeskar. Vi føl stien slagt oppover til den flatar ut og startar å gå nedover. Her kan det passe å sjå på utsikta litt før vi tek sørautover oppover mot Grånosene. Det er ikkje sikkert stien er så lett å finne, men det burde gå greitt i dette terrenget å finne fram. Returen er tilbake same veg, men om ein vurderer det slik kan ein sikte meir rett på Røssesete.