Ute ved havet! Rundtur på Skogsøyna i Øygarden

Bli med Tråkk Bergen på ein fin og lettgått tur i kystterrenget på Skogsøyna i Øygarden!

Me møtest kl. 10:30 ved parkeringsplassen som ligg like ved busstoppet Herdleværsvegen nord i Øygarden. Før brua ved Herdleværsvegen busstopp er det parkeringsplass til tre bilar. Etter brua er det parkeringsplass til tre-fire bilar. Det er altså ikkje svært god parkeringsplass ved startpunktet for turen med tanke på at også andre turgåarar kan koma til å nytta parkeringsplassane.

Opplys i påmeldinga om du kan stilla med bil, og eventuelt kor mange passasjerar du kan tilby skyss, eller om du treng skyss. Dersom det viser seg at me ikkje har nok bilar til disposisjon, framskundar me oppmøtetidspunktet. Turdeltakarane vil i tilfelle bli kontakta direkte om dette.

Sko og klede: Me går på sti og klopper ut til utsida av Skogsøyna. Turen ut tek omtrent 60 min. i middels tempo. Fleire parti kan vera blaute og glatte, så vel gode (og inngåtte) tursko med godt grep. Sidan det kan blåsa friskt på Skogsøyna, er det lurt med vindtett jakke og evt. også vindtett bukse, og lue, vottar og skjerf. Ha elles med eit ekstra sokkeskift og enkelt førstehjelpsutstyr i sekken, og solbriller viss det er meldt sol. Ein god, varm genser er også lur å ha i sekken til lunsjpausen.

Ta med rikeleg med drikke – gjerne varm drikke på termos og ein ekstra kopp, i tillegg til vatn – og matpakke. Lunsjen nyt me anten inni eller utanfor dagsturhytta Hildringsbu.

På veg tilbake går me ein litt annan veg, slik at me får oss ein fin rundtur. Også tilbaketuren tek omtrent 60 minutt i moderat tempo.

Turen er gratis, men dersom du får skyss tur og/eller retur, betalar du standard Tråkk køyregodtgjersle til sjåføren (kr. 3,50 per km/antall personar i bilen).

Påmeldinga til turen opnar søndag 10. november kl. 21, og stengjer onsdag 20. november kl. 21.

Me gler oss til tur!

For spørsmål, kontakt turleiarane Britt-Elin Arefjord (tlf.nr. 480 92 149) eller Maria Sørhus (tlf.nr. 454 29 610).

Velkomne med!